აირჩიე ენა
16-22 აპრილი, 2026
არგენტინული კვირა: სუპერკლასიკო
₾ 7995
მარადონას სამშობლო გიხმობს
ეს არის ერთკვირიანი მოგზაურობა მსოფლიოს უდიდეს საფეხბურთო დედაქალაქში. დაესწრები განსაკუთრებულ მატჩებს ბუენოს აირესში, მოინახულებ ლეგენდარულ სტადიონებს და „ასადოში“, ტრადიციულ არგენტინულ ბარბიქიუში, მიიღებ მონაწილეობას. ეს არის შანსი, ამოყო თავი იქ, სადაც ფეხბურთი რელიგიაა, ხოლო გულშემატკივრობა ცხოვრების წესი.
გაიცანი შენი მეგზური
სპორტული კომენტატორი
ყველაფერ არგენტინულზე უსასრულოდ შეუძლია ლაპარაკი
დღე 1
ჩასვლა და დაბინავება
მოემზადე შენი ცხოვრების ყველაზე ემოციური საფეხბურთო თავგადასავლისთვის. დაბინავდები და გრძელი მგზავრობის შემდეგ დაისვენებ იმ ქალაქში, რომელიც ფეხბურთით სუნთქავს.
დღე 2
პირველი მატჩის დღე
პირველად შეიგრძნობ ბუენოს-აირესის საფეხბურთო ატმოსფეროს. კალენდრის მიხედვით, ჩვენი მეგზური საუკეთესო მატჩს შეარჩევს (ურაკანის, არხენტინოს ხუნიორსისა და ველეს სარსფილდის მატჩებიდან ერთ-ერთს). ეს იქნება სრულფასოვანი საფეხბურთო დღე: შევიკრიბებით ლუდის დასალევად და მოისმენ ისტორიებს მეგზურებისგან. შემდეგ შეუერთდები წინასამატჩო სამზადისს მასპინძელი გუნდის ფანების გარემოცვაში. დღის ბოლოს კი სტადიონზე დაიკავებ ადგილს და საფეხბურთო მუხტს პირველივე წუთებიდან შეიგრძნობ.
დღე 3
სუპერკლასიკოს დღე
ეს ამ თავგადასავლის მთავარი დღეა. თამაშის დაწყებამდე 4 საათით ადრე დანიშნულ ადგილას ჯგუფის წევრებს შეუერთდები. ჩაჯდები მინივენში და გაეშურები “ლა პერვიაზე” - ტრადიციულ მატჩისწინა შეკრებაზე, სადაც ლუდით ხელში თამაშისთვის გახურდები. სტადიონზე მატჩის დაწყებამდე 1.5 საათით ადრე შეხვალ, რომ თავიდან აიცილო რიგები და არ გამოგრჩეს ტრიბუნების ლეგენდარული დახვედრა. წინ დაუვიწყარი 90 წუთი გელის. ეს პლანეტის ყველაზე ცეცხლოვანი დაპირისპირებაა.
დღე 4
მარადონას სტადიონის ტური
გიჟური დღის შემდეგ უფრო მშვიდი გასეირნება გელის. ფეხბურთის გულშემატკივრებისთვის უდიდესი მნიშვნელობის მქონდე ადგილს ესტუმრები. მოინახულებ იმ კლუბსა და სტადიონს, სადაც დიეგო არმანდო მარადონა ბრწყინავდა. ეს ტური ადგილობრივ საფეხბურთო ისტორიას გაგაცნობს.
დღე 5
თავისუფალი დღე
დრო გექნება, რომ ქალაქი შენს გემოზე მოიარო. თუმცა, თუ გსურს, რომ ფეხბურთთან ახლოს დარჩე, გვაქვს დამატებითი შეთავაზებები, მაგალითად ტურები ბოკასა და რივერის მუზეუმებში. დაუკავშირდი ჩვენს გუნდს მეტი დეტალის გასაგებად.
დღე 6
სტადიონის ტური და ასადო
ბოლო დღეს ბუენოს აირესის კიდევ ერთ საფეხბურთო ღირსშესანიშნაობას, ატლანტას სტადიონს ეწვევი. ფეხბურთი მხოლოდ უმაღლესი ლიგა არ არის და ეს იკონური კლუბი თავის დიდ ისტორიაში ჩაგახედებს. დამშვიდობება კი წარმოუდგენელია ნამდვილი არგენტინული ვახშმის გარეშე. გელოდება ტრადიციული ასადო, ლუდი და შესაძლებლობა, შეაჯამო განვლილი უქმეები ჯგუფის წევრებთან ერთად.
დღე 7
დამშვიდობების დროა
ბუენოს-აირესმა გასულ 6 დღეში ბევრი მოგონება და მოსაყოლი ამბავი მოგცა. ახლა დროა, ეს ემოციები, ფოტოები და ვიდეოები თან წაიღო და სახლის გზას გაუდგე.
მატჩების ბილეთები
ოფიციალური ბილეთები ბუენოს აირესში გამართულ რამდენიმე გამორჩეულ მატჩზე, მათ შორის სუპერკლასიკოზე.
განთავსება
6 ღამე სასტუმროში Vilon Recoleta (ორადგილიანი ნომერში)
ადგილობრივი მასპინძელი
გამოცდილი არგენტინელი გიდი, რომელიც შიდა სამზარეულოს გაგაცნობს, „ინსაიდერულ“ ინფორმაციას მოგაწვდის და არგენტინულ კულტურას უფრო ახლოდან დაგანახებს.
სტადიონების ტური
ექსკურსიები დიეგო არმანდო მარადონასა და ატლანტას სტადიონებზე.
მატჩისწინა შეკრება
ტრადიციული შეკრება, ე.წ. “ლა პერვია”, ადგილობრივ ფანებთან ერთად მატჩის დაწყებამდე, ნამდვილი არგენტინული ატმოსფეროს შესაგრძნობად.
ასადო
მონაწილეობა ტრადიციულ არგენტინული ბარბექიუში.
